hau izan da guztia!!! hurrengo urterarte lagunak!
ESKERRIK ASKO IRAKURTZEAGATIK
AZKEN HAUSNARKETA eta agurra…
21 dias en la mina – Samanta Villar
PROGRAMA GUZTIA YOUTUBEN
Racingek 0 Athletic Clubek 2: Garaipen ona
Athletic Clubek 0-2 irabazi dio Racing taldeari. Gurpegi eta Iraola, penaltiz, golegileak izan dira. Garrantzi handiko garaipena partidaz beteriko astean eta Ligako sailkapenean gora begira jartzeaz gainera, asteazkenean Rayoren aurka Kopako begira gure jokalarien morala leporaino dago.
Athleticek beharrezkoa zen partida egin du, osteguneko nekea eta etxekoen premiak kontuan hartuta. Ez du estutasun gehiegirik pasatu eta, batez ere abantailaz, norgehiagokaren erritmoak markatu ditu. Hasierako hamaikakoan, azkenik Llorenterik gabe, Orbaiz, Susaeta, Ion Velez eta De Marcosen presentzia nobedadea izan da, osteguneko lehiarekin alderatuz. Zelai erdian, gainera, Orbaiz, Gurpegi (eskuinetik) eta Martinezek elkarrekin jokatu dute.
Lehenengo aukera seigarren minutuan heldu da, Christianek buruz kanpora errematatu duenean. Ostean, zortzigarrenean, De Marcosek abagunea izan du, baina Toñok bere jaurtiketa harrapatu du. Tchiteri txartel horia erakutsi diote bederatzigarrenean eta Geijok bere aukera izan du hamahirugarrenean, baina jaurtiketa doi-doi joan da Iraizozen eskuetara. Baloi gutxi zeukan Athleticek, edo errezegi galtzen zituen, eta Racingek ez zekien nondik jo. Halaz ere, korner baten ostean, 28. minutuan, Luis Garciak ezkerrez jo du eta Iraizozek eskua sartu behar izan du.
Jokoa falta zen, baina oraingo honetan sendo egoteaz gainera estrategian etekin bikaina atera du Athleticek Christiani txartel horia atera dioten faltaren ondorioz. Castillok atera du eta Gurpegik, buruz, sareetara bidali du. Lau urte beranduago erdilariak gola egin du eta, garrantzitsuena, futbolaritzat jotzen du berriro ere bere burua. Hurrengo abagunea zurigorria izan da baita ere, Orbaizek korner olinpikoaren parean egon denean, baina Toñok eskua sartu du.
Berrogeigarrean minutuan Ion Velezek txartel horia ikusi du Torrejonekin tupust egin eta gero. Atzelaria, odolez, aldageletara joan da puntuak jasotzera eta bat gutxiagorekin Tchitek abagune garbia izan du, baina Iraizozek jaurtiketa igerri dio 42 minutuan. Horixe izan da etxekoen aukerarik argiena partida osoan eta horren ostean atsedenaldira abantailaz joateak berebiziko garrantzia izan du.
Aldaketarik ez bigarren zatiari begira. Espero zen bezala, lehen uneotan berdinketaren bila gogotsu atera dira kantabriarrak, nahiz eta, beste behin ere, estrategiaren bitartez izan den. Korner baten jaurtiketaren ondoren Christianek jaurti du, baina Iraizozek eskua ondo atera du. Jarraian beste txartel bat, Pinillosentzat kasu honetan, eta gure jokalariak zelaian askozaz honeto kokatzen ari zirenez, kontrako arean ere aukerak ikusi dira. Esaterako, 52. minutuan De Marcosen ezkerkada Toñok langa gainetik kornerra desbideratu du. De Marcosek berak, berriro ezkerrez, 57. minutuan lana eman dio Toñori eta Orbaizek ondorengo kornerrean.
Mandia kolokan zegoen aulkian eta premiazko konponketaren bila edo, aldaketa bikoitza egin du: Xisco eta Arana Tchite eta Torrejonen ordez. Luis Garcia euskarrira pasa da, Moraton atzera eta Arana eskuin hegalera. Ustaritzek horia ikusi du 61. Minutuan eta Aranak urrutitik jaurti du 62.garrenean eta Iraizozek kornerra desbideratu du.
Aranari beste txartel horia atera diote eta hortik aurrera Athletic Clubaren nagusitasuna askozaz nabariagoa izan da partida amaitu arte. Hasteko 67. minutuan Orbaiz eta Racingen atezainaren arteko harreman estuaren besteatal bat bizi da. Kasu honetan faltaz izan da. Orbaizek jaurti du eta Toñok hatz puntarekin kornerra bidali du. Bitartean azken aldaketa egin du Racingek: Sepsi Christianen ordez sartu da 70 minutuan.
Alferrik, 74. minutuan Lacenek penaltia egin baitio Ion Velezi eta Iraolaren jaurtiketa bortzita gola izan da. Zero eta bi, zailaena egina, teoriaz behintzat, eta kasu honetan teoria gauzatu da. Ezusterik gabe pasatu dira minutuak eta gainera Caparosek aldaketa guztiak bata bestearen atzetik egin ditu. Bost falta zirela Diaz de Cerio Ion Velezen ordez irten da, gero San Jose Orbaizen ordez, Ligan bere debuta egiten zuela, eta, azkenik David Lopez, luzapenean jada, Susaetaren ordez eta partida amaitu da.
Gauzak horrela eta zailtasun guztien gainetik, toki lasaian dago gure taldea Ligan eta astea borobiltzeko Rayo Vallecano kanporatzea mundiala litzateke hurrengo geldialdian lan guztiak bete ondoren indarrak pilatzeko.
ITURRIA: http://www.athletic-club.net/web/main.asp?a=0&b=1&c=1&d=1000&berria=8836&idi=0
Athletic Clubek 1 At.Madrilek 0: Kostata
Athletic Clubek 1-0 irabazi dio Atletico Madril taldeari. Javi Martinezek gola lortu du buruz lehen zatian eta bigarrenean antzuak izan dira madrildarren erasoak. Urrezko hiru puntuak, batez ere Ligan generamatzan bolada txarrari amaiera emateko, sailkapenean askozaz lasaiago egoteko eta hurrengo geldialdian sartu aurreko hurrengo hiru partida garrantzitsuak moral aldetik behar den moduan jokatzeko. Okerrena Toquero zein Susaetaren lesioak, larritasuna oraindik zehaztu gabe dagoen arren, hiru lehiaketan egoteak fisikoki suposatzen duen zailtasuna primeran isladatzen dutenak.
Eskakizun handiko partida honetan gure taldeak sei aurpegi berri hasierako hamaikakoan aurkeztu du (Iraizoz, Toquero, Ustaritz, Susaeta, Javi Martinez eta De Marcos) eta giro paregabea zegoen San Mamesen jokoan asko zeukaten talde biren arteko partida ikusteko. Lehen uneak norgehiagoka lehiatua izango zela isladatu dute. Inork ez zuen bere nagusitasuna inposatzen, baina joerak agerian geratu dira. Presioa eta sakontasuna zurigorriak ziren eta kalitatea ezerezetik arriskua sortzeko bisitarien bisita txartela.
Abagunerik gabe pasatu dira lehen minutuak eta hamabigarrenean Iraiozek ez du behar bezala irteera neurtu eta gure arean nahaste-borrastea ikusi dugu. Maxik, hortik pasatzen ari zela, buruz errematatu du zutoinera eta gero Amorebietak langapetik baloia urruntzea lortu du.
Ez zen hori joera, kontrakoa baizik eta zurigorriak pixkaka nagusitzen ari ziren. Zurrunbiloaren erdian Orbaizek falta atera du eskuinaldetik eta kontrako zutoinean Javi Martinezek buruz ederto errematatu ondoren, hemeretzigarren minutuan bat eta zero egin du. Zoramena harmailetan eta Atletico Madril zeharo galduta. Hurrengo minutuan De Marcosek Llorenteren pase bikaina hartu du, baina ezin izan du Asenjoren irteera gainditu. Ia hirurogei segundu berandugo beste aukera bat De Marcosentzat, baina ezkerrez ez du behar legez errematatu.
Partida azkarra eta gogorra zen oso, baloi bakoitzaren jabetza borroka latzaren ondorio zuzena zen eta epaileari asko kostatzen zitzaion txartelak erakustea. Atletico Madrili ere asko kostatzen zitzaion erreakzionatzea eta basamortuaren zeharkaldia egina zuela zirudien arren, minutu asko pasatu dira arriskualdi berri bat sortu arte.
Bitartean Athleticek abagune paregabeak izan ditu partida lasaitasunaren bidetik bideratzeko, batez ere 34. minutuan Toquerori penaltia egin diotenean, hala zirudien behintzat, Asenjok lurrera bota duenean aurrelariak atezaina bera ez ikutzeko ahalegin argiak egin dituenean. Ramirez Dominguez epaileak ez du ezebez seinalatu eta orojakile eta editoriagileek denborapasa dute ostera be. Konparaketa polita litzateke balizko ala ustezko penalti hau iazko denboraldian Lluis Companysen Gurpegiri epaile berak seinalatu zuenarekin alderatzea.
Toquerok jokaldi honetan min hartu du eta berrogeigarren minutuan Gabilondok ordezkatu du De Marcos bigarren aurrelari izatera pasatuz. Eta hiru minutu beranduago Guardiakoak abagune polita izan du, baina Asenjo deskolokaturik ikustean beharbada azkarregi jaurti du, aurrea jotzeko aukera zuenean. Azkenik atezainak desbideratu du baloia. Halaz ere, atsedenaldira abiatu baino lehenago, bigarren zatian espero zenaren aurrerapena eskaini dute Sanchez Floresen mutilek: ezerezetik Forlanek abagune bat sortu du 44. minutuan, baina zorionez Ustaritz Kunen aurrean gurutzatu da. Luzapenean Simaok areaz kanpotik jaurti du, baina Iraizozen eskuetara.
Jokalari aldaketa gehiagorik gabe itzuli dira talde biek bigarren zatian, baina, askotan jendeari ahazten zaion funtsezko datua da, arerioa ere jokoan dagoela, eta Atletico Madril erasokorrago irten da. Honen baieztapena kezkagarria izan da lehen ordu laurdenean, ahalmen handiko jokalariak baitzeuden berdegunean eta Athleticek ez zuen erantzuteko gaitasunik erakusten. Irten eta oso gutxira Maxik bitan mehatzatu du, bolea bat eskuinez gutxigatik gurutzatuegia kanpora joan da eta bi minutu beranduago beste bolea batez angelua bilatu du, baina aurkitu barik. Juradok hartu du Maxiren tokia ordubeterako eta 61. minutuan Gabilondoren falta jaurtiketak Athletic Clubaren bigarren zatiko arriskualdirik nabarmenena sortu du, baina Asenjok baloia aldendu du. Ia jarraian Simaok Iraizozi lana eman dio eta atezainak Forlanen areaz kanpoko jaurtiketa harrapatu du.
Iñigo Perezek San Mamesen debutatu du Orbaizen tokian sartu ondoren eta David Lopez Susaeta mindutaren ordez irten da. Atletico Madrilek ez zuen jada bizitasun berbera, baina aurrealdeko jokalari guztiak zelai gainean mantentzen zituen eta partida amaitzeko ordu laurden luze bat (azken asteotako ahalegina kontuan hartuta) falta zen oraindik. Gainera, orain behealdean dagoen Atletico Madril bezalako talde batek abantaila bat dauka: ez du joku gehiegirik sortu behar aukerak eta, berez, areriorengan ezegonkortasuna sortzeko, goi mailako aurrelari bi dauzkalako, Forlan eta Kun.
Nahiz eta norgehiagokako jokaldi gehienetan Ustaritz eta Amorebieta nagusi izan diren, ez dute espazio gehigirik behar min egiteko. Esaterako ia instant batean, Forlanek areaz kanpoko jaurtiketa miragarria egin du… baina baloia zutionera joan da. Segituan Kunek beste urruneko eskuinkada bat jaurti du… baina langara kasu honetan eta 77. minutuan Forlanek arriskuz beteriko beste jaurtiketa zitala bidali du eta Iraizozen erantzuna ez da makala izan.
Eta hor amaitu da dena, azken txanpa Athleticek ondo kudeatu baitu urrezko hiru puntuak erdiesteko. Beste batzutan bi aurpegiko partidak aipatu baditugu, gaurkoan gauza bera idatz dezakegu, baina oraingo honetan gauza onerako, aspaldian ez baitzuen gure taldeak bere atea zulatu barik uzten, ea horrela den ere datozen partidatan. Hurrengoa ostegunean europar zaporearekin Afrikan jokatzen den arren.
ITURRIA: http://www.athletic-club.net/web/main.asp?a=0&b=1&c=1&d=1000&berria=8792&foto=10&idi=0#fotos
PADRE DE FAMILIA eta beste serie asko ikusteko weba
http://www.seriesyonkis.com/serie/padre-de-familia/
Bertan sartu nahi duzuen episodioan eta behean clikatu “DESCARGAR VIDEO DESDE MEGAUPLOAD”
GOZATU!!
